تقووول إنها تحبني

تحبني ؟!!!
علمني كيف ؟ ومن متى ؟
ي أبرد من ايام الشتا !
اللي يحب ما يبتعد
يبقى على حروة وعد !
ما يآخذ أنفاس الحياة , وع الفراق يحدّني !!
،
تحبني !
وتستكثر لقلبي العطا !
تمسي تسمّعني العتاب
وتصبح ملبّسني الخطا !!
وتحلف بعد هذا وتقول تحبني !
بالله كيف تحبني ؟
وأنا ابني ايامي معك حلم وعمل
وألقى الكثير من الوجع
موت الامل
ماكان ياصاح العشم تهدي الجديد من الجروح
تهدّني !
،
وتحبني !!!
الحب ماهو فلسفة وقت الهزل
ماهو حروف مشبَّعة ( حكي وغزل )
الحب أسمى ياعنيد
الحب أصله تضحية !
ماهو أغاني أو قصيد
وسهرة على صوت أغنية !
الحب يعني لي الكمال
وعينك أبد ماتشوف بي غير الجمال
تتحمل دروب العنا
وماتقطع حبال الوصال !
لـجلي تموت من الظمى ,
وعن أكبر عيوبي عمى
تحس لذّة في العذاب
وتخاف من طاري الغياب
وتزعل إذا بـ مزحه أقولك :
( هِـــدّني )
،
الحب نبضة صادقة تنزف شعور
شيـ(ن) يجي مثل السحر
يستوطن أعماق الصدور
في سكرته طعم الحياه
حتى فـ عذابه تستلذ بقول آآآهـ
ماهو مثل حبك أبد
( كِـبر وغرور )







وتحلف بعد هذا وتقول :
تحبني !


البقية: تقووول إنها تحبني !